Размер шрифта: A A A Изображения Выключить Включить Цвет сайта Ц Ц Ц Х
Главная » 2018 » Февраль » 13 » Улуус төрөбүт күнэ
04:20
Улуус төрөбүт күнэ

Олунньу 9 күнүгэр Майа лиссиэйигэр бэрт сэргэх тэрээһин буолан ааста. Бу күн Майа лиссиэйин үөрэнээччилэрэ, учууталлара мустаммыт олохпут устар долгунугар, сайдыы суолун тутар дьоһуннаах кэмнэргэ сомоҕолоһон, биир санааҕа түмсэн - ол кэмнэргэ үлэ дьолун билбит киэн туттар дьоннорбутун, бэтэрээннэрбитин, тыа хаһаайыстыбатын Дойдуга аатырдыбыт үлэһит туруу дьоммутун билсиһиннэрдибит. Ол курдук Саха бастакы техническэй наука доктора, Сибиир, Хотугу норуоттар бэрэстэбиитэлэ, аан бастакынан Россия наукаларын Академиятын академига, Бочуот знага, Норуоттар доҕордоһуулара, Аҕа дойдуга үтүөлэрин иһин орденнар кавалердара, 300-тэн тахса, ол иһигэр 17 монография автора Владимир Петрович Ларионов 80 сааһын, Мэҥэ –Хаҥалас улууһа 88 сылын бэлиэтиир үөрүүлээх күннэрэ.

Майа Лиссиэйигэр Советскай Союз Коммунистическай партиятын райкомун 1 сэкэрэтээрэ Иван Гаврильевич Тимофеев аатын иҥэрэргэ Мэҥэ –Хаҥалас улууһун дьаһала тахсан турар. Бастакы хардыыбыт – кылаас оҕолоро тереебут улууспутугар бэйэлэрин идэлэригэр чахчы бэриниилээх дьону уһааран-хатаран таһаарбыт дьонун билиигэ чинчийэр үлэни оҥоруу буолбута. Олортон биирдэстэрин Иван Гаврильевич Тимофеевы дьиэ кэргэнин, Сэбиэскэй партийнай үлэтин, кэнники сылларга крестьянскай хаһаайыстыбаҕа таһаарыылаахтык үлэлээбит кэмнэрин сырдатыы буолла. Бу күн кылаас чаастарыгар ыҥырыылаах ыалдьыт буолан кэллилэр Иван Гаврильевич Тимофеев кэргэнэ педагогическай үлэ бэтэрээнэ Раиса Михайловна Тимофеева, кини кыыһа Саха Республикатын Муниципальнай тэриллиилэрин Сэбиэтин Ассоцияциятын главнай бухгалтера Матрена Ивановна Тимофеева, Иван Гаврильевич Тимофеев ер сылларга бииргэ үлэлээбит коллегалара Мэҥэ-Хаҥалас, Уус – Алдан оройуннарын „Хара“ нэһилиэгин Бочуоттаах гражданина, Российскай Федерация үтүөлээх мелиоратора, 1985-1987 сыллаах Саха Автономнай Советскай Социалистическай республика мелиорациятын министрэ, Сэбиэскэй Союз Коммунистическай партиятын 28 съеһын делегата, Саха АССР Верховнай Сэбиэтин 12 ыҥырыылаах депутата Игорь Георгиевич Гаврильев, Иван Гаврильевич Тимофеевтыын ер сылларга бииргэ алтыспыт коллегалара, үөерэнээччилэрэ Саха Республикатын ууттан куттала суох уонна эмсэҕэлээбити чөлүгэр түһэрэр Государственнай управление директора Гаврил Егорович Слободчиков, Мэҥэ-Хаҥалас „Хоробут нэһилиэгин“ Муниципальнай тэриллиитин баһылыга Прокопий Романович Плотников, тыа хаьаайыстыбатын „Хоробут“ кооперативын директора Валерий Афанасьевич Колосов, „Майа“ нэьилиэгин Муниципальнай тэриллии депутаттарын Сэбиэтин председателя Павел Анатольевич Судико.

Просмотров: 289 | Добавил: Anna | Рейтинг: 0.0/0
Всего комментариев: 0
avatar