Размер шрифта: A A A Изображения Выключить Включить Цвет сайта Ц Ц Ц Х
Главная » 2018 » Апрель » 9 » Свет-Сырдык
11:37
Свет-Сырдык

Муус устар 6 кунугэр 2018 с. биһиги лицейбытыгар 9-11 кылаас оҕолоругар анаан билиҥҥи үйэҕэ бары өртүнэн төгүрүччү сайдыылаах киһи буоларга, идэни сөптөөхтүк талыыга, саҥа идэлэргэ сайдыы сүүрээннэрин билиһиннэрэ академик В.П.Ларионов аатынан «Свет-Сырдык» фонда директора Наталья Прокопьевна Апросимова, Владимир Петрович Ларионов аатынан Саха Республикатын Хоту сир физико – техническэй проблемаларыгар институутун бэрэссэдээтэлин солбуйааччы, отдел сэбиэдиссэйэ Александр Михайлович Большаков, биһги улууспутуттан төрүттээх, киэҥ билиилээх Республикабыт биир бастыҥ салайааччыта, РФ Государственнай Думатын депутата, Саха Сирин маҥнайгы Президена Михаил Ефимович Николаев көмөлөһөөччүтэ Матвей Васильевич Мучин кэлэн ыалдьыттаан бардылар. Кэпсэтии аһаҕастык ааста. Үөрэнээччилэр элбэх интириэһиргиир ыйытыыларын кэлбит ыалдьыттарга хото биэртэлээтилэр, сөптөөх, наадалаах хоруйдары ыалдьыттарбыт сиһилии кэпсээтилэр. Матвей Васильевич улуу ньуучча классига Алескандр Сергеевич Пушкин “Евгений Онегин” поэматтан быһа тардан нойосуус аахпытын бары да сэргээн, сөҕөн-махтайан иһиттибит. Наталья Прокопьевна Майа лиссиэйин музейыгар анаан Владимир Петрович рукописнай үлэлэрин “Начала нового пути в роду”, “Выдающиеся выпсукники МГТУ им. Баумана” туттарда.

Үөрэнээччилэр, учууталлар көхтөөхтүк кыттан, истиҥник сэһэргэһэн ыалдьыттарбыт астынан, тэрээһин олус сэргэхтик ааста. Түмүккэ ыалдьыттарга анаан, лицейбыт историятын туһунан, бэйэ илиитинэн оҥоһуллубут эриэккэс бэлэҕи ууннубут.

Просмотров: 198 | Добавил: Anna | Рейтинг: 0.0/0
Всего комментариев: 0
avatar