Размер шрифта: A A A Изображения Выключить Включить Цвет сайта Ц Ц Ц Х
Главная » 2018 » Декабрь » 9 » Майа лиссиэйэ 25 сылын бэлиэтээтэ
18:40
Майа лиссиэйэ 25 сылын бэлиэтээтэ
Ааспыт үйэ 90-ус сылларыгар Саха сиригэр гимназиялар, лиссиэйдэр аһыллан үлэлэрин саҕалаабыттара. 1993 сыллаахха Майа гимназията математика, физика курдук предметтэри, техническэй хайысхалары дириҥэтэн үөрэтэргэ туһуланан, педагогическэй кэлэктиип саҥа ньымалары көрдөөн, оҕону куолаан үөрэтиигэ, үөрэтии демократическай систиэмэтин оскуолаҕа киллэрэн айымньылаахтык, ситиһиилээхтик үлэлээбит үлэтин түмүктэрин үйэ чиэппэрэ көрдөрдө. Улуус араас нэһилиэктэриттэн үөрэххэ дьоҕурдаах оҕолор түмсэн үөрэнэн, үгүс билиилээх-дьоҕурдаах, сатабыллаах ыччаттар үүнэн-сайдан бүгүн республика араас муннуктарыгар үлэлии-хамныы-айа-тута сылдьаллар. Иван Гаврильевич Тимофеев аатын сүгэр Майа лиссиэйин үөрэнээччилэрин, педколлективын ситиһиилэрин Саха сирин ааһан Россияҕа тиийэ ааттыахха сөп. 25 сыллаах дьоро күннэрин лицейдэр икки күн устата өрө көтөҕүллэн, киэҥ далааһыннаах программанан бэлиэтээтилэр. Маҥнайгы күн республикаҕа үлэлиир гимназиялар, лиссиэйдэр дириэктэрдэрэ кыттыыылаах «Сетевое образование в открытом информационном пространстве” диэн тиэмэҕэ туһуламмыт республикатааҕы форуму тэрийдилэр. Информатика, алгебра, омук тыла, биология, нуучча тыла предметтэригэр аһаҕас уруоктары ыыттылар. Тэрээһин үөрүүлээх чааһыгар улуус, республика салайааччылара олор истэригэр Майа гимназиятыгар дириэктэрдээбит, билигин СР үөрэҕин миниистирин солбуйааччыта Владимир Тихонов ыалдьыттаата. Эҕэрдэ тыллары эттилэр, бастыҥ үлэһиттэргэ наҕараадалары туттардылар. Лиссиэй үөрэнээччилэрин, үлэһиттэрин эҕэрдэ кэнсиэрин көрдүлэр.

Зоя Герасимова

Просмотров: 38 | Добавил: Anna | Рейтинг: 0.0/0
Всего комментариев: 0
avatar