Размер шрифта: A A A Изображения Выключить Включить Цвет сайта Ц Ц Ц Х
Главная » 2018 » Март » 22 » Кинигэ күнэ
09:59
Кинигэ күнэ

Кулун тутар 20 күнүгэр Майа лиссиэйигэр поэзия кунугэр аналлаах «Айар тыл абылаҥын түһүлгэтэ» диэн Кинигэ күнэ буолла. Кинигэ күнүн 10-1 кылаас оҕолоро, салайааччылара Марфа Кретовна иилээн-саҕалаан ыыттылар. Выставка турда: «Саһарбыт страницалар кэпсииллэр…», «Лира», «Родничок» кулууп үлэтин выставката.

Биһиэхэ ыалдьыттаатылар СӨ суруйааччыларын союһун чилиэттэрэ. Вячеслав Семенович Доллонов – «Полярная звезда» сурунаал сүрүн редактора, СӨ суруйааччыларын союһун председателин солбуйааччыта, 8-2 кылаас оҕолорун кытта көрүстэ, айар үлэтин билиһиннэрдэ.

Оксана Павловна Гаврильева – Айсаана, СӨ суруйааччыларын союһун чилиэнэ, педагогическай наука кандидата, Хатас орто оскуолатын нуучча тылын уонна литературатын учуутала, 6-1, 6-2 кылаас оҕолорун кытта көрустэ, айар үлэтин уонна «Уруок хаамыыта» диэн тэттик кэпсээнин ааҕан иһитиннэрдэ уонна ырыттылар. Оҕолор сүрдээҕин интириэһиргээтилэр, кэпсэттилэр. Бэйэлэрин санааларын суруйдулар.

Мин биирдэ да суруйааччыны маннык чугастан көрбөтөҕүм. Оксана Павловна Гаврильева- Айсана мин дьиҥнээхтии көрбүт суруйааччым. Кини кэпсээниттэн элбэҕи биллим. Наһаа да үчүгэйдик бэйэтэ суруйбут кэпсээнин ааҕан иһитиннэрдэ. Дуоһуйдум аҕай! Бастатан туран, учууталларга махтал маннык үтүө көрсүһүүнү тэрийбиттэригэр. Бэйэм олус долгуйдум кылааспын билсиһиннэрэргэ. Бүгүн мин баҕа санам туолла. Өссө да элбэх суруйааччыны көрүөхпүн баҕарабын. (Никитина Диана, 6-2 кылаас үөрэнээччитэ).

Бүгүн саха литературатын уруогар суруйааччылыын көрүстүбүт. Кини аата – Айсана. Кини олоҕун кэпсээнин иһиттибит. Олус улахан трагедияны көрсүбүт. Кэргэнэ ыалдьан өлбүт. Кэргэнин ыарыылыыр кэмигэр араас кэпсээн кэпсиир эбит. Ону кэргэнэ ити кэпсээннэргин сурукка киллэрэн бэчээккэ ыыт диэн кэс тылын эппит. Ону толорон икки хаһыакка ыытан кэбиспит уонна «бэчээттээбэтэхтэринэ аны суруйуом суоҕа» дии санаабыт. Соһуйуон иһин икки айымньыта иккиэн күн сирин көрбүттэр. Биирэ – «Кэскилгэ», иккиһэ – «Кыымҥа». Ол оннук суруйааччы буолбут. (Кузьмин Ваня, , 6-2 кылаас үөрэнээччитэ).

Бүгүҥҥү көрсүһүүгэ суруйааччы ыалдьыттаата. Миигин кини аан дойдуну көрбүтэ дьиктиргэттэ. Ордук Голландия сирэ-уота кыараҕас буолан, дьиэни элбэх этээстээн туталлара. Уонна Берлиҥҥэ оҕо саҥата иһиллибэтэ. «Аанньаллар» диэн кинигэтиттэн биир кэпсээни аахпытын бары иһийэн олорон иһиттибит. Олус күллүбүт. Соро±ун иннибинэн-кэннибинэн дьэргэҥнии олорон истибэтэҕим. Кыргыттарбыт хоһоон аахтылар. Көрсүспүччэ хаартыскаҕа түспүппүт. (Дмитриев Саша, , 6-1 кылаас үөрэнээччитэ).

Иван Иванович Осипов – Ойуур Уйбаан, «Чолбон» сурунаал салаатын редактора, Россия суруйааччыларын союһун чилиэнэ, 7, 9-1 кылаас оҕолорун кытта көрүстэ. Оҕолорго аналлаах «Ньургуйаана», «Ньургун» кэпсээннэрин ырытта.

Валериан Парфеньевич Николаев – «Якутский медицинский журнал» редакторын солбуйааччыта, медицинскэй наука доктора, Россия журналистарын союһун чилиэнэ. 9-2, 5 кылаастары кытта көрүстэ. Бэйэтин олоҕун, сүрүн үлэтин уонна айар үлэтин кытта билиһиннэрдэ.

Луиза Георгиевна Прокопьева- Уйулҕаана СӨ суруйааччыларын союһун чилиэнэ, РФ бочуоттаах судьуйата, 10-1, 10-2 кылаастары кытта сһрдээх интириэһинэйдик көрсүбүттэр, кэпсэтиигэ тахсыбыттар. Луиза Георгиевна бэйэтин үлэтин холобурдарыттан кэпсээбит, олоҕун, айар үлэтин. Оҕолор ыйытыктарыгар эппиэттээтэ.

Просмотров: 534 | Добавил: Anna | Рейтинг: 0.0/0
Всего комментариев: 0
avatar